සුමීගෙන් අහන්න
ටෝනි වෙනුවෙන් ෆ්‍රෙඩි
පසුබිම් ගී ගැයුවා ද?
මාතලේ ධර්මා ඒකනායක
ප්‍රශ්නය - සෝමතිලක ජයමහ ගයන ‘පොඩි දුවගේ සිනා වැලයි පොඩි පුතුගේ කතා පෙළයි පිය
බිරිඳගේ සෙනේ විලයි - මගේ නිවස මගේ සම්පතයි’ ගීතය ලීවේ කවුද?
පිළිතුර - තනිකඩයකු වන මහාචාර්ය සුනිල් ආරියරත්න.
අත්තනගල්ලේ විමලසේන හපුතන්ත්‍රි
ප්‍රශ්නය - ෆ්‍රෙඩි සිල්වා ටෝනි රණසිංහ වෙනුවෙන් චිත්‍රපට පසුබිම් ගී ගායනයේ
යෙ‍දී තිබෙනවා ද?
පිළිතුර - ඔව්. ‘වස්තුව’ චිත්‍රපටයේ ෆ්‍රෙඩි, ටෝනි වෙනුවෙන් පසුබිම් ගී දෙකක්
ගැයුවා. මෙහි ටෝනි රඟපෑවේ විකට චරිතයක්.
දෙහිඕවිට ලලිතා බංදුතිලක
ප්‍රශ්නය - ‘සුභානි’ චිත්‍රපටයේ ටෝනි රණසිංහ, ඇන්තනි සී. පෙරේරා, අරුණ ශාන්ති
සමඟ ගමේ ළිඳක් කපන නළුවා අපට හොඳට දැකලා පුරුදුයි. ඔහු කවුදැයි මතක් කළ හැකි ද?
පිළිතුර - ඒ සොමි රත්නායකනේ ලලිතා.
නාත්තන්ඩියේ නිශාන්ත ගුණවංශ
ප්‍රශ්නය - අපේ හුඟක් නළුවන්ගේ කොණ්ඩය සුදු නොවන්නේ ඇයි?
පිළිතුර - කොහෙ සුදු වෙන්න ද? ඒ අය ‘විග්’ එකක් දාලනේ ඉන්නේ. ඉතිං ‘විග්'වල කොණ්ඩෙ
පැහෙනව ද?
උතුරු කළුතර තොටුපළ පාරේ සිරි අබේසේකර
ප්‍රශ්නය - ‘කාගාස් කේ පූල්’ හින්දි චිත්‍රපටය ගැන යමක් කියන්න?
පිළිතුර - ගුරු දත්, වහීඩා රෙහ්මාන්, ජොනි වෝකර්, මුම්ටාස් ප්‍රධාන චරිත රඟපෑ මෙය
අධ්‍යක්ෂණය කළෙත් ගුරු දත්මයි. එස්. ඩී. බර්මන් සංගීතවත් කළා.
ගල්ලෑල්ලේ එම්. විජේසේකර
ප්‍රශ්නය - ප්‍රකට සිනමා විචාරකයකු වූ ජයවිලාල් විලේගොඩගේ මුල් නම කුමක් ද?
පිළිතුර - ජයරත්න විලේගොඩ.
බෙලිගල මනහර මහින්ද වෑකඩ
ප්‍රශ්නය - ‘ලස්සනයි බලන්න’ චිත්‍රපටයේ හරක් මුදලාලිගේ චරිතය රඟපෑ නළුවා
කවුද?
පිළිතුර - මෙම චිත්‍රපටය මා දැක නැති නිසා හරකා කවුද කියලවත් මුදලාලි කවුද
කියලවත් මා දන්නේ නැහැ.
පිළියන්දල උපාලි ගුණරත්න
ප්‍රශ්නය - ශේන් ගුණරත්න රඟපෑ චිත්‍රපට මොනවා ද?
පිළිතුර - ‘සංදේශය’, රන්මුතු දූව, දැවෙන පිපාසය, සීගිරි කාශ්‍යප, සූර චෞරයා, රන්
ඔන්චිල්ලා, බඩුත් එක්ක හොරු, වෙසතුරු සිරිත .......
මීගමුව මහහුණුපිටියේ යොහාන් කුමාර් ද සිල්වා
ප්‍රශ්නය - ‘සයිමන් නවගත්තේගමගේ ‘සුබ සහ යස’ වේදිකා නාට්‍යය චිත්‍රපටගත
කරන්න සූදානම් තිබුණා නේද?
පිළිතුර - ඔව්. ප්‍රකට වාර්තා චිත්‍රපටකරුවකු වූ නැසිගිය ප්‍රඥාසෝම
හෙට්ටිආරච්චි එවැන්නකට සූදානම් වුණා. එහි ගීත පවා පටිගත කළා මං හිතන්නෙ.
අරිසෙන් අහුබුදු සූරින් ලියු ගීතයකුත් එහි තිබුණා.
වාද්දුව මහේෂ් කැටවලමුල්ල
ප්‍රශ්නය - ජනප්‍රිය නළු අර්ජුන කමලනාත්ගේ ලිපිනය සොයා දෙන්න?
පිළිතුර - 36, දෙවැනි පටුමඟ, අඟුලාන දුම්රිය පොළ පාර, මොරටුව.
කඩවත පහළ බියන්වල භද්‍රා බියංකා මධු
ප්‍රශ්නය - සුජාතා අත්තනායක ගයන ‘හර්දේ රස මාලිගේ’ ගීතය හින්දි තනුවක් ද?
පිළිතුර - ඔව්. එය ‘අනුපමා’ චිත්‍රපටයට ලතා මංගේෂ්කාර් ගැයු ‘ධීරේ ධීරේ මචල්
ඒ දිල් ඒ බේකරාර්’ ගීයේ තනුව. සංගීත නිර්මාණ්‍ය හේමන්ත් කුමාර්ගේ.
සුමිගෙන් අහන්න
රසඳුන සිළුම්ණ ලේක්හවුස් කොළඹ 10.
|
කර්තෘට ලියන්න
මුද්‍රණය සඳහා
