|
.
පුංචි පැළේ ගසවෙනා
මගේ දහම් පාසල
සුන්දරයි
මගේ දහම් පාසලේ නම ශ්‍රී විජයතිලක දහම්
පාසලයි. එය පිහිටා තියෙන්නේ පිංහේනේයි. එහි
ස්වාමීන් වහන්සේ විශාල ප්‍රමාණයක් වැඩ
සිටිති. උදෑසන අවදි වී දහම් පාසල වෙත එන ළමයි
කොකුන් රෑනක් සේ පේළියට පන්තියට පැමිණ
වාඩිවී සීනුව නාද කළ පසු මල් පෝලිම අතගස්සවා
ගාථා කීමට පටන් ගනිති. ඉන් පසු පාඩම පටන්
ගනියි. දහම් පාසලේ මල් වවා පැළ සිටුවා තිබේ.
නෙත්මි තරුෂි කෞශල්‍යා
7 ශ්‍රේණිය ‘බී’,
ශ්‍රී විජයතිලක දහම් පාසල,
පන්නිපිටිය
මහ ගස
පෙර දිනක ඔබ සේම
මමත් මහ ලොකු ගහක්
අතු පතර විහිදාන
පැතිරුවෙමි තෙද බලත්
කරට කර තරගයට
ආපු පොඩි පැළ උනත්
මගේ තෙද අබිමුවේ
උනා පරඬැල් ගොඩක්
අතු පතර විහිදු‍ෙණන්
සෙවණ ලැබුවා යමෙක්
සෙවණ ලද ඇසිල්ලෙන්
චාටු බස් ලද නොයෙක්
සෙවණ ලැබු අතු රිකිලි
දෙස බලා නැවත විත්
දරට යැයි කිය කියා
ගෙන ගියා නැතිව සිත්
දෙනෙත් අග ඇද හැලෙන
කඳුළු දැන් මට සුවයි
පණ ගසන හදවතේ
රිද්මයත් මට හුරුයි
නුදුරු වස්සානයේ
දළු දමා යළිත් මම
පසුව එන වසන්තය
සෙවණ දෙමි හුරු සේම
චනූක මධුෂාන්
12 ශ්‍රේණිය ‘පී’,
බණ්ඩාරනායක විද්‍යාලය,
ගම්පහ
මිනිසුනේ එපා
සොබාදහම් මෑණියනි
ඔබගෙන් ලද
වටිනාම සම්පත
සුපිරිසිදු ජල බිංදුවයි
නමුදු
කම්හලින් පිටකරන
අපද්‍රව්‍ය
කුඹුරට ඉසින වස විස
නිවසේ කැළි කසල
මුදා හැර නොයෙක් අත
සුපිරිසිදු ජලය අපිරිසිදු කරන්නේ
මිනිසුන්මයි
ඇයි ද මන්දා
අනාගත ලොවට
රෝගී පරපුරක්
දායාද කිරීමට
මිනිසුන් වෙහෙසෙන්නේ
ඒ.එච්. බුද්ධිකා සංජීවනී
9 ශ්‍රේණිය ‘බී’,
හැදුණුවැව මධ්‍ය මහා විද්‍යාලය,
හැදුණුවැව.
ගඟක් අසල
රාත්‍රියක්
රාත්‍රි අහසේ සඳුගෙන් ලැබෙන ආ‍ලෝකය ගඟ
අලංකාර කරයි. සේලයක් සේ ගලා යන ගඟ ඉතාමත්
චමත්කාර දසුනක්. ගංගාවේ සිටින බට්ටෝ මාළු උඩ
පැන පැන නටති. සඳ එළියෙන් ගංඟාව ආලෝකවත්
වේ. හුංගන් මගුරන් වැනි මාළු මඩ යට සැඟවී
සිටිති. මඩ යට සිටින කාවයියන් කළු ගල් කැට
සේ යැයි මට සිතේ. රාත්‍රි අහසේ දිලෙන තරු
ගංගාවේ සිටින රිදී පාටින් දි‍ලිසෙන මාළුන්ට
සමානය. ස‍ඳෙහි ආලෝකවත් බව නිසා මුළු ගංගාව
එළිය වේ.
ඩබ්ලිව්.ඒ. ලෝචන ගයාන්
7 ශ්‍රේණිය,
ගුරුගෙදර, සපුගස්කන්ද
සාරධර්ම සුරකිමු
‘කුඩා කල සිටම චිත්‍ර කර්ම අභ්‍යාස
කරන්නා සේ අප කුඩා කල සිටම
සද්ගුණ අභ්‍යාස කළ යුතුය.’
ග්‍රීක දාර්ශනිකයකු වන ප්ලේටෝගේ මේ
කියමනේ අඩංගු වන්නේ අප සැම සුරැකිය යුතු
සාරධර්ම පිළිබඳවයි. අපගේ ජීවිත සුන්දර
කරන, අර්ථවත් කරන ඕනෑම හැඟීමකට ගුණයකට
සාරධර්ම යැයි කියනු ලැබේ.
හංසයා දියෙන් කිරි වෙන්කර ගන්නා සේ අප නිසරු
දෙයින් සරු දෙය තෝරා ගත යුතුය. වත්මන් සමාජයේ
සාරධර්ම ගරු කරන්නෝ අඩුය. ඉගෙන ගන්නා පාසල්
දරුවන් ලෙස අපි මෙම සාරධර්මවලට ගරු කළ
යුතු වෙමු.
මිනිස් සමාජයේ අත්‍යවශ්‍ය අංගෝපාංග වී
ඇති පරිසර සාධක කෙරෙහි මිනිසා යහපත් සිතින්
කටයුතු කළ යුතුය. ස්වාභාවික පරිසරය විටෙක
රළු හා ප්‍රචණ්ඩ වන්නේ එසේ නොකිරීමේ
ප්‍රතිවිපාක ලෙස ය. මේ සඳහා සාරධර්ම ඉතා
හොඳ මැදිහත්කරුවෙක් වෙයි. තමාටත් සෙසු
මනුෂ්‍යයන්ටත් පරිසරයටත් හිතකාමී ලෙස
පවත්වන සියලු සිතුවිලි හා සිදු කරන ක්‍රියා
සාරධර්ම වේ.
වැඩිහිටියන්ට සැලකීම,
ගිලානෝපස්ථානය, ආගන්තුක සත්කාරය,
පිරිසිදුව සිටීම යනාදිය අප විසින් සුරැකිය
යුතු සාරධර්ම කිහිපයකි. කුඩා වියේ සිටම
නිවස, පාසල ආදි ස්ථානවලදී සාරධර්ම සුරැකීම
පිළිබඳව අප පුරුදු පුහුණු වුවහොත්
මිනිසුන් හා සෙසු පරිසරය සමඟ ඵලදායි සහ
සදාචාර සම්පන්න සම්බන්ධතාවක් පවත්වාගෙන
යාමට අපට හැකි වේ. තනි පුද්ගලයන් වශයෙන් අප
ඇති කර ගන්නා එම යහපැවැත්ම දිගු කාලීන
වශයෙන් සමාජයේ යහපැවැත්මට හේතු වේ. අපි
සාරධර්ම සුරකින හොඳ පුරවැසියන් වී මෙම
සාරධර්ම අනාගත පරපුරට දායාද කරමු.
ජී. ඒ. ඩී. චතුර්යා තරුක්ෂි
7 ශ්‍රේණිය ‘ඩී’, රත්නාවලි බාලිකා
විද්‍යාලය,
ගම්පහ.
පාට වෙනස් කරන
කටුස්සෝ
 පරිසරයේ
දකින කටුස්සෝ කොළ පාටට සහ දුඹුරු පාටට
පෙනෙනවා. සමහර කටුස්සෝ එක එක වෙලාවට තමන්ගේ
ඇ‍ඟේ පාට වෙනස් කරගන්නවා. කටුස්සෝ පාට වෙනස්
කරන්නේ විවිධ හේතු මත.
කොළපාට කොළ ඇති ගහක ඉන්නකොට කටුස්සා කොළ
පාට නම් කිසිකෙනකුට පෙනෙන්නේ නෑ. හේතුව
ගොදුරකට ළඟා වෙන්න හරිම ලේසියි. කටුස්සන්
ලෙහෙසියන් සතුරකුට ගොදුරු වෙන්නේ නැත.
කටුස්සන් කොළ රොඩු අතරේ සිටින අතර දුඹුරු
පාට පොළොව මතත් සිටිනවා. දුඹුරු පාට නිසා
කාටවත් දකින්නට ලැබෙන්නේ නැත.
කටුස්සා වෙස් මාරු කිරීමට හරිම දක්ෂයි.
කටුස්සගේ හමේ පාට නිපදවිය හැකි විශේෂ සෛල
වර්ග තිබෙනවා. කළුපාට, කහපාට, කොළපාට හා
දුඹුරු පාට වගේ පාට නිපදවන්නට එම සෛලවලට
හැකියාව තිබෙනවා. අවශ්‍ය නියෝගය ලැබෙන්නේ
කටුස්සාගේ මොළයෙනි. මොළයෙන් ලැබෙන නියෝගය
අනුව වර්ණක සෛල ක්‍රියාත්මක වෙනවා. වැඩියෙන්
ක්‍රියාත්මක වෙන පාට කහපාට නම් කටුස්සා
කහපාට වෙනවා. කොළ පාට සෛල ක්‍රියාත්මක වෙනවා
නම් කටුස්සා කොළපාට වෙනවා.
කටුස්සට තරහ ගියාම ඌ පාට වෙනස් කරල නපුරු
විලාශයක් මවා ගන්නවා. ජනවහරේ එන කියමනක්
නම් කටුස්සා වගේ පාට වෙනස් කරන්ට එපා කියල.
හේතුව මිනිස්සු එක එක වෙලාවට තමන්ගේ වාසියට
වෙනස් වෙනවා.
එනිදු සුපසන්
ප්‍රේමසුන්දර
3 ශ්‍රෙණ්ය ‘බී’,
කේරි විදුහල, කොළඹ 08.
සුමිතුර
පාසල් බිමේදී අප මිතුදම ඇරඹෙනවා
දුක සැප දෙකේදිම අප මිතුරන් වෙනවා
නොයෙකුත් පැතුම් මැද මිතුදම ලියලනවා
ඔබ වැනි උසස් මිතුරෙකු මට හිමි වෙනවා
ඒ. එල්. හසිත කුමාර - කලා
අංශය
ගලහිටියාව මධ්‍ය විද්‍යාලය,
ගලහිටියාව - ගනේමුල්ල
පොල්පිටිමූකලාන
සිරිවර්ධන කනිටු විදුහලේ ඉදිකැරුණු නව
බුදු මැදුරේ තැන්පත් කිරිමට බුදු පිළිම
වහන්සේ නමක් වැඩම කිරීම නිමිත්තෙන් පැවැති
පෙරහරට බෞද්ධ කොඩි රැගත් සිසු දරු දැරියන්
සහභාගි වූයේ මෙසේය. (ඡායාරූපය - ලෙස්ලි
පෙරේරා ජාඇල මධ්‍යම)
දක්ෂ දරුවෝ
 
ඉරානයේ තෙහෙරාන් නුවර හත්වැනිවරටත්
පැවැති අන්තර්ජාතික ළමා චිත්‍ර තරගයෙන් (වයස
අවු. 10) ගම්පහ බණ්ඩාරනායක විදුහලේ 8
ශ්‍රේණිය ‘ඒ’ හි ඉගෙනුම ලබන තනුල ලක්ෂිත
වික්‍රමසිංහ ශිෂ්‍යයා රටවල් 33 ක්
නියෝජනය කළ චිත්‍ර තරගයෙන් ලෝකඩ
පදක්කමක් දිනා ගත්තේය.
තනුල එම චිත්‍ර තරගයෙන් ශ්‍රී ලංකාවට
පදක්කමක් දිනාදුන් එකම ශිෂ්‍යාද වෙයි.
|
කර්තෘට ලියන්න
මුද්‍රණය සඳහා
