‘මහ රෑ යාමේ’ සහාය ගායිකාව අමරා ද? සෝමලතා ද?
‘මහ රෑ යාමේ’ සහාය ගායිකාව
අමරා ද? සෝමලතා ද?
ගම්පහ අඹන්විට සිරිවර්ධන
ප්‍රශ්නය - ‘කුරුලු බැද්ද’, ‘සිකුරු තරුව’ වැනි චිත්‍රපට නිෂ්පාදනය කළ ජෝන්
අමරතුංග අප දන්නා ප්‍රකට දේශපාලනඥයාම ද?
පිළිතුර - නැහැ. ඒ වෙන කෙනෙක්.
මෝදර හිරාන් රොඩ්රිගෝ
ප්‍රශ්නය - ආචාර්ය දයාරත්න රණතුංග සමඟ ‘මහ රෑ යාමේ’ ගීතය ගයන්නේ අමරා රණතුංග ද?
සෝමලතා රණතුංග ද?
පිළිතුර - දයාරත්න මෙහි මුල් ගීය ගැයුවේ සෝමලතා රණතුංග සමඟයි. ඇය දයාරත්නගේ
සොහොයුරියක්. පසුව ඔහු තම බිරිඳ මහාචාර්ය අමරා රණතුංග සමඟ එය ගායනා කළා.
මීගමුව මහහුණුපිටියේ යොහාන් කුමාර් ද සිල්වා
ප්‍රශ්නය - ‘සුජාතා’ හින්දි චිත්‍රපටයට ‘සුනු මෙරේ බොන්දුරේ’ නම් වූ ගීතය ගායනා
කළ ගායකයා කවුද?
පිළිතුර - එස්. ඩි. බර්මන්. එහි සංගීතයත් ඔහුගේ.
මෝදර එම්. ආර්. සී. ඩයස්
ප්‍රශ්නය - දේවාර් සූර්යසේනගේ ගී ඇතුළත් තැටි තිබෙනවා ද?
පිළිතුර - ඔව්. ‘වීණා මිහිරි නද’, ‘බඹර කෝකිල නාද’ යන ගී තැටි දෙක ‘හිස් මාස්ටර්
වොයිස්’ ලේබලය යටතේ එළිදැක තිබෙනවා.
මත්තෙගොඩ අජිත් ජෝතිය කරසිංහ
ප්‍රශ්නය - සිසිර සේනාරත්න හා ජී. ඇස්. බී. රාණි පෙරේරා ගයන ‘රන්වලා තොටිල්ලේ’ ගීය
රැගත් චිත්‍රපටය කුමක් ද?
පිළිතුර - ගැහැනු ගැට.
මාතර කැලුම් විජේවර්ධන
ප්‍රශ්නය - ‘ලබ්බෙ තොවිලේ’ නමින් චිත්‍රපටයක් නිෂ්පාදනය කර තිබේ ද?
පිළිතුර - ඔව් එය කෙටි කාටුන් චිත්‍රපටයක්. අධ්‍යක්ෂණය කළේ තිසර ඉඹුලාන.
වනවාසල ගැමුණු රණවීර
ප්‍රශ්නය - ‘මිඩ්නයිට් එක්ස්ප්‍රස්’ චිත්‍රපටය මෙරටදි තහනම් කිරීම
සම්බන්ධයෙන් එකල කිසියම් සිනමා විචාරකයකු පොත් පිංචක් ලිව්වා නේද?
පිළිතුර - ඔව්. එය ලීවේ එච්. ඒ. සෙනෙවිරත්න. එය ඔහු තුර්කි තානාපති කාර්යාලය
සමඟ කළ ලිපි හුවමාරුවකට අදාළ පොත් පිංචක්. පළවුණේ 1982 දී.
තංගල්ලේ අසේල විජේවීර
ප්‍රශ්නය - ‘14 ප්‍රකාශනයට අවකාශයක්’ සිනමා සඟරාව ලබාගත හැකි ආකාරය
දන්වන්න.
පිළිතුර - සංස්කාරිකා, 56/11, හොර්ටන් පෙදෙස, කොළඹ 7 යන ලිපිනයෙන් විමසා බලන්න.
ගොතටුවේ ප්‍රේම් කන්නන්ගර
ප්‍රශ්නය - ‘හඳමාමා’ ගුවන් විදුලි වැඩසටහනේ තේමා ගීතයේ (ලොව ගනඳුරු දුරු කරන්න
ගුණ නුවණට මඟ පෙනෙන්න) ගායකයා, රචකයා හා සංගීතඥයා කවුද?
පිළිතුර - ගායකයා මිල්ටන් පෙරේරා. රචනා කළේ සුමනා ජයතිලක, සංගීතය - පී. එල්.
ඒ. සෝමපාල.
වස්කඩුව දෙදියවල ගාමිණි ගුණතිලක
ප්‍රශ්නය - ‘ඩීඩාර්’ චිත්‍රපටයේ රඟපෑවේ අශෝක් කුමාර් ද? දිලිප් කුමාර් ද?
පිළිතුර - දෙදෙනාම එහි රඟපෑවා.
කඩුවෙල අමිත ගලප්පත්ති
 ප්‍රශ්නය - ඉන්දීය සිනමාවේ සිසිල් බී. ඩිමිලි යන නාමයෙන් හඳුන්වන
අධ්‍යක්ෂවරයා කවුද?
පිළිතුර - එස්. එස්. වාසන්.
මාවනැල්ලේ තරිඳු ඒකනායක
ප්‍රශ්නය - ‘මට ආලෝකේ ගෙන දේවි සංසාරයේ’ ගීතය ගයන්නේ ජමුනා රාණි ද? කේ. රාණි ද?
පිළිතුර - ඒ දෙන්නම නෙමෙයි තරිඳු, ජික්කි.
නාත්තන්ඩියේ අජිත් තේනුවර
ප්‍රශ්නය - ප්‍රවීණ නළු ජයලත් මනෝරත්නගේ ලිපිනය සොයා දෙන්න?
පිළිතුර - 97/30, අබේරත්න මාවත, බොරලැස්ගමුව.
උතුරු කළුතර, තොටුපළ පාරේ සිරි අබේසේකර
ප්‍රශ්නය - ‘තුම්සා නහීන් දේකා’ සංගීතවත් කළේ කවුද?
පිළිතුර - ඕ. පී. නයියාර්.
දික්ඕවිට සරත් සිරිමාන්න
ප්‍රශ්නය - ලතා වල්පොල ගයන ‘හෝ එනවයි කීවේ - නෑ තව ආවේ’ ගීතය ඇතුළත් වුණේ කුමන
චිත්‍රපටයට ද?
පිළිතුර - ‘වනමෝහිනි’ චිත්‍රපටයට.
මේ සතියේ මේ අයත් ප්‍රශ්න එවා තිබුණා. මත්තෙගොඩ කිරිගම්පමුණුවේ කිත්සිරි ඒ.
මද්දෙවිතාන, අම්බලන්ගොඩ චන්ද්‍රා මාලිනි ද සිල්වා ඔබේ ප්‍රශ්නය පහත ලිපිනයට යොමු කරන්න
'සුමිගෙන් අහන්න' රසදුන, සිළුමිණ, ලේක්හවුස් කොළඹ 10
|
කර්තෘට ලියන්න
මුද්‍රණය සඳහා
