HDFC බැංකුවේ නව ශාඛාව නිට්ටඹුවට
HDFC බැංකුවේ
නව ශාඛාව නිට්ටඹුවට
HDFC බැංකුවේ 34 වන ශාඛාව නිට්ටඹුව නගරයේ පසුගිය දා විවෘත කෙරුණි. මෙම නව
ශාඛා පරිශ්‍රය විවෘත කිරීම HDFC බැංකුවේ සභාපතිනිය සිරෝමි වික්‍රමසිංහ
මහත්මිය විසින් සිදු කෙරුණි.
මෙම අවස්ථාවට HDFC බැංකුවේ ප්‍රධාන විධායක නිලධාරී සහ සාමාන්‍යාධිකාරී නිමල්
මාමඩුව මහතාත් ප්‍රධාන මෙහෙයුම් නිලධාරී එස්. දිසානායක මහතා, ප්‍රධාන මූල්‍ය
නිලධාරී ඩී. වී. පතිරණ මහතා, අලෙවි හා ව්‍යාපාර ප්‍රවර්ධනය අංශයේ ප්‍රධාන
කළමනාකාරිනී හිමාලි ගුණතිලක මහත්මිය, බස්නාහිර පළාත් ප්‍රාදේශීය
කළමනාකාරිනී රම්‍යා ගුණවර්ධන මහත්මිය, ශාඛා කළමනාකර යූ එස්. බී.
අත්තනායක මහතා ඇතුළු බැංකුවේ නිලධාරී මණ්ඩලයත් විශාල පාරිභෝගික පිරිසක් ද
සහභාගි වූහ. එමෙන්ම නිට්ටඹුව වෙළෙඳ සංගමයේ සභාපති චන්දන කුමාර මහතා ද මෙම
අවස්ථාවට සහභාගි විය.
HDFC බැංකුව නිවාසමය අවශ්‍යතා සඳහා ණය පහසුකම් ලබා දෙන විශේෂිත බැංකුවක් වන
අතර ඒ සඳහා හඳුන්වා දී ඇති කඩිනම් ණය සැලසුම් ගණනාවකි. සේවක අර්ථ සාධක
අරමුදලේ ශේෂය අනුව ලබාගත හැකි ශ්‍රම උදාන ණය වැඩසටහනත්, දේපල සුරැකුම් මත
ලබා දෙන කැදැල්ල ණය ක්‍රමයත් ඉන් ප්‍රධාන වේ, එමෙන්ම HDFC බැංකුව විසින් පසුගිය
කාලයේ සිදු කෙරුණ විවිධාංගීකරණය යටතේ සුළු ව්‍යාපාර හා අධ්‍යාපන ණය, කල්බදු
(ලීසිං) පහසුකම් ලබාදීම, ක්ෂුද්‍ර මූල්‍ය ණය, රන් ණය මෙන්ම කිරි ගොවින් සඳහා
මූල්‍ය පහසුකම් ලබා දීම දිවයින පුරා පිහිටි සියලු ශාඛා හරහා සිදු කෙරේ. එමෙන්ම
ළමුන්ගේ සිට වැඩිහිටියන් සඳහා වන තැන්පතු ක්‍රම රැසක්ම හඳුන්වා දී තිබේ.
කාර්යක්ෂම පාරිභෝගික සේවාවන් ලබාදීම පිළිබඳව කීර්තියක් දිනා සිටින
HDFC
බැංකුව, විධිමත් බැංකු සේවා සමඟ සම්බන්ධ නොවන විශාල පිරිසක්ට ජංගම බැංකු ක්‍රමය
හරහා සේවය සැලසීම විශේෂත්වයකි. දිවයින පුරා පිහිටි සියලු ශාඛා මඟින්
Palm Top
පරිගණක බැංකු සේවය ක්‍රියාත්මක කරන අතර, පාරිභෝගිකයන් සමීපයට ගොස් බැංකු
සේවා ලබාදීම මෙමඟින් සිදු කෙරේ. නිට්ටඹුව නව ශාඛාව තුළින් ද එම අවට ප්‍රදේශවල
ජනතාව වෙත ජංගම බැංකු සේවා පහසුකම් ලබාදීමට කටයුතු යොදා ඇත.
|
කර්තෘට ලියන්න
මුද්‍රණය සඳහා
