ටාටා e-XETA වෙළෙඳපළට
ටාටා e-XETA වෙළෙඳපළට
 |
|
ඩිමෝ සභාපති සහ කළමනාකාර
අධ්‍යක්ෂක රංජිත් පණ්ඩිතගේ මහතා
විසින් නව මෝටර් රථයේ යතුර එහි
පළමු පාරිභෝගිකයෙක් වන
ඩබ්ලිව්.ඩී.එච්. චන්දන මහතා වෙත
භාර දෙමින්. සීමාසහිත ටාටා මෝටර්
සමාගමේ ජාත්‍යන්තර ව්‍යාපාර අංශයේ
මගී මෝටර් රථ කලාප කළමනාකාර
ප්‍රනාවි කුමාර් මහතා, ඩීමෝ
ප්‍රධාන විධායක නිලධාරි ගහනාත්
පණ්ඩිතගේ සහ ටාටා අංශයේ ප්‍රධාන
මෙහෙයුම් නිලධාරි විජිත බණ්ඩාර
මහත්වරු ද මෙහි වෙති. |
සීමාසහිත ඩීසල් සහ මෝටර් ඉංජිනේරු පොදු සමාගම (ඩීමෝ) සමඟ එක්ව ටාටා මෝටර්ස්
විසින් ශ්‍රී ලංකාවට නවීන පන්නයේ e - XETA මෝටර් රථය හඳුන්වා දෙයි.
මේ අනුව ශ්‍රී ලංකාවේ ටාටා නිෂ්පාදිතයන් තවත් ශක්තිමත් කිරීමට e - XETA සමත්
වනු ඇත. එය වඩාත් හැඩකාර, සුවපහසු, වැඩි ඉඩපහසුකම් සහ ඉහළ
ක්‍රියාකාරිත්වයක් සහිත නවතම නිෂ්පාදනයකි. ඉහළ ඉන්ධන
කාර්යක්ෂමතාවයකින් ද යුතුවේ. මෙහි පවතින වායු සැපයුම සහ වායුසමීකරණය,
පවර් ස්ටියරින්, පවර් වින්ඩෝස් හතර, වර්ණ ගන්වන ලද බම්පර්ස් මෙන් ම දෙවර්ණයකින්
යුත් ඇලොයි රෝද, ලා දුඹුරු පැහැති අභ්‍යන්තරය සමඟින් එහි ඇති සියුම් රේඛා
හේතුවෙන් මෝටර් රථයේ අලංකාරත්වය වඩාත් වැඩි කරනු ලබයි.
ටාටා මෝටර්ස් හි ශ්‍රී ලංකාවේ කලාප කළමනාකරු ප්‍රනාවි කුමාර් මහතා ප්‍රකා‍ශ කර
සිටියේ ‘ශ්‍රී ලංකාවේ පාරම්පරිකවම ටාටා මෝටර්ස් සඳහා වැදගත් වෙළෙඳපොළක්
පවතිනවා. ශ්‍රී ලංකාවේ පාරිභෝගිකයන් හට මෙම මගී ප්‍රවාහන වාහන එකතුව මඟින්
පිරිනමන්නේ සුපිරි තත්ත්වයක්. එය දිගටම පවත්වාගෙන යන බව අපගේ විශ්වාසයයි. e
- XETA මඟින් ශ්‍රී ලංකාවේ නවතම මෝටර් රථ වෙළෙඳපොළෙහි සුවිශේෂී ස්ථානයක්
හිමිකර ගැනීම අපගේ අරමුණයි” යැයි ඔහු පැවසීය.
ටාටා මෝටර්ස් 70,000 කට අධික වාණිජ වාහන සහ මගී වාහන ප්‍රමාණයක් ශ්‍රී ලංකාවට
ආනයනය කර තිබේ. ඩිමෝ හී දීප ව්‍යාප්ත අලෙවි සහ අලෙවියෙන් පසු සේවා, ටාටා වාහන
සඳහා වූ 24 පැය මාර්ගස්ථ සහය සහ සුපිරි නිෂ්පාදන ක්‍රියාකාරිත්වය මෙම
සාර්ථකත්වයට හේතුවී ඇත.
|
කර්තෘට ලියන්න
මුද්‍රණය සඳහා
