සෞන්දර්ය කලා විශ්වවිද්‍යාලයේ නව උපකුලපති
සෞන්දර්ය කලා විශ්වවිද්‍යාලයේ නව උපකුලපති
සෞන්දර්ය කලා විශ්වවිද්‍යාලයේ නව උපකුලපති ලෙස මහාචාර්ය ආරියරත්න
කළුආරච්චි මහතා ජනාධිපතිතුමා විසින් අවුරුදු තුනක කාලයක් සඳහා පත්කොට ඇත.
එම විශ්වවිද්‍යාලයෙහි නර්තන හා නාට්‍ය කලා පීඨයෙහි පීඨාධිපති ලෙස වසර 06ක
කාලයක් සහ පශ්චාද් උපාධි අධ්‍යයන කේන්ද්‍රයේ අධ්‍යක්ෂ, වෘත්තීය මාර්ගෝපදේශන
ඒකකයේ අධ්‍යක්ෂ, ජ්‍යෙෂ්ඨ ශිෂ්‍ය උපදේශක සහ ක්‍රීඩා උපදේශන මණ්ඩලයේ සභාපති
යන තනතුරු හොබවා ඇති එතුමා කෘතහස්ත විශ්වවිද්‍යාල පරිපාලකයෙකි.
පල්ලෙවෙල මහා විද්‍යාලයේ ආදි ශිෂ්‍යයකු වන මහාචාර්ය ආරියරත්න කළුආරච්චි
මහතා 1972 වසරේ එවකට කැලණිය විශ්වවිද්‍යාලයේ සෞන්දර්ය අධ්‍යයන ආයතනයට
ඇතුළත් වී ලලිතකලාවේදී උපාධි පන්ති සාමාර්ථයක් ලබමින් එම ආයතනයේම සේවය
සඳහා බැඳී ඇත. ඉන්දියාවේ කල්කටාහි රබින්ද්‍රභාරති විශ්වවිද්‍යාලයේ ප්‍රථම
පන්ති සාමාර්ථයක් සහිතව සිය ශාස්ත්‍රපති උපාධිය ලබාගෙන ඇති එතුමා 2009
වසරේදී මහාචාර්ය ධූරයට පත්විය.
|
කර්තෘට ලියන්න
මුද්‍රණය සඳහා
