පුංචි පැළේ ගසවෙනා
ලොව හිරු සඳු
දස මාසයක් මා කුස තුළ දරාගෙන
ලේ කිරි කර පොවා පොඩිකල වඩාගෙන
ඇති දැඩි කළා සෙනහස් ගඟ පොවමින
අම්මා මගේ බුදු වේවා මතු දවසක
සඳ එළිය දෙන අම්මා මගේ ලොවට
ගෙදර බුදුන් ලෙස වඳිනෙමි ඔබේ නමට
පෙරළි පෙරළී වැන්දත් මදි ඇගේ නමට
මවු ගුණ ලියා නිම කළ නොහැකි මට
ජීවිතයේ අඳුරු තැන් ආලෝකය කරන්නට
සාගරය මගේ ආදරය පුදන්නට
ඔබේ ගුණ ලියා නිම කිරීමට
මේ පද පේළි දෙක මදි වේය මට
එච්.ඒ.ඒ.එම්.එම්.ඩබ්.සී.කේ.
මැදිවක
10 ශ්‍රේණිය ‘බී’,
උඩදුම්බර ද්විතික පාසල,
උඩදුම්බර.
බොරුව
කියූ දෙයක් නොකී ලෙසත් නොකී දෙයක් කියූ
ලෙසටත් සිදුවූ දෙයක් නොසිදු ලෙසටත්
නොසිදුවූ දෙයක් සිදුවූ දෙයක් ලෙසත් ඇති දෙයක්
නැති ලෙසටත් නැති දෙයක් ඇති ලෙසටත් ආදී
වශයෙන් කීම බොරුවය.
බොරුව නිසා රටත් සමාජයත් පවුලත්;
මවුපිය දූ දරු සම්බන්ධයත් නැති වි භයානක
ගැටුම් ඇති විය හැකිය.
බුදු දහම පමණක් නොව හැම ආගමක්ම දර්ශනයක්ම
බොරුව පිටු දකින්නේ ඉන් ඇති වන භයානක
ප්‍රතිඵල නිසාය. අපි දිවිහිමියෙන් බොරු
නොකියා සත්‍යවාදී වෙමු. යහපත් සමාජයක්
බිහි වන්නේ ඒ මඟිනි.
ආර්.එම්. වත්මි නවෝද්‍යා
රත්නායක
8 ශ්‍රේණිය ‘එච්’,
අනුරාධපුර මධ්‍ය විද්‍යාලය,
අනුරාධපුර.
ඇතා
කුල්ලක් වගෙයි කන
අත වගේමයි සොඬ
කකුල නම් වංගෙඩිය
විශාලයි මේ බඩගෙඩිය
අතු ඉති කඩා ගනී
ඉන් වතුර ගෙන නාගනී
නාසයට ද ගනී
සොඬය උගෙ නම රැක ගනී
දෙදළ නම් ආභරණ වේ
සතුරන්ට ඉන් පහර දේ
එහි ගජ මුතු තිබේ
දළ නිසා ඌ අනතුරේ
කැලයෙම සිටින්නේ
කාහටත් බිය නොවේ
ශාකමය බුදින්නේ
කැලේ සද්දන්තයා වේ
සුරන් සුදාරක ජයබාහු
5 ශ්‍රේණිය ‘ඊ’,
සා. සෙබස්තියන් විද්‍යාලය,
මොරටුව.
පස සංරක්ෂණය
කෘෂි කාර්මික රටක් වන අපේ රටට සාරවත් පස
ඉතා වැදගත් වේ. මිනිසුන්ගේ විවිධ ක්‍රියා
නිසා පස නිසරු වෙමින් පවතී.
වනාන්තර ප්‍රමාණය අඩුවීම, දිරා නොයන
අපද්‍රව්‍ය පසට එක්වීමත් ආදිය නිසා පස නිසරු
වේ.
අතීතයේ පටන් මිනිස්සු වගා බිම්වල ගල් වැටි
දැමීම, කාණු කැපීම, ආරක්ෂිත බෝග වැවීම මඟින්
පස ආරක්ෂා කර ගත්හ. දිරාපත් නොවන අපද්‍රව්‍ය
ක්‍රමානුකූලව බැහැර කිරීමෙන් පස නිසරු වීම
වළක්වා ගත හැකිය. රසායන ද්‍රව්‍ය භාවිතය
හැකි පමණින් අඩු කිරීමෙන් පස සරු කරන පාංශු
ජීවීන් ආරක්ෂා කර ගත හැකිය.
තුරුලතාවලින් පිරි සුන්දර පරිසරයක් ලබා
ගැනීමට පස සංරක්ෂණය ඉතා අවශ්‍යය.
ජේ. සීමානි ශශිප්‍රභා
ජයලත්
5 ශ්‍රේණිය,
මල්වාන ජයන්ති විද්‍යාලය,
පොතුකොළදෙණිය.
මම කැමැතිම පොත
මා කැමති පොත සිංදු කියන කූඹියෝ පොතයි. ඒ
පොත ලියා තිබෙන්නේ මධුරා වික්‍රමරත්න
නැන්දාය. මට ඒ පොත ලැබුණේ මා සිළුමිණ
පුවත්පතට ඇඳි චිත්‍රයක් සතියේ හොඳම චිත්‍රය
ලෙස තේරීම නිසාය.
සිංදු කියන කූඹියෝ පොත දුටු මා සිතුවේ
කූඹියෝ සිංදු කියනවා යනුවෙනි. එහෙත් මේ පොත
කියවූ මම එම පොතෙන් සාරධර්ම බොහොමයක් ඉගෙන
ගතිමි. මධුරා නැන්දා ලියා තිබූ එම කතන්දර
පොතේ කූඹියන්ගේ සමගිය වගේ අපි අතරත් සමගිය
තිබුණ නම් කොච්චර හොඳද?
ආහාර පාන බෙදා ගැනීමේදී ඒ ගොල්ලෝ හරිම
සමගියි. කූඹි විතරක් නෙමෙයි එයාලා ළඟට ආපු
බට්ටිච්චිලා වැනි අයත් එයාලත් එක්ක හරිම
සමග‍ියෙන් කටයුතු කරන අයුරු කෙතරම්
සුන්දරද? පුංචි අපිත් ඒ වගේ එකතු වී ඉන්නවා
නම් කොච්චර සුන්දරද කියලා මට සිංදු කියන
කූඹියෝ පොත කියවන සෑම මොහොතකම සිහිවෙනවා.
මධුරා නැන්දා අපේ ලෝකයට ගිහිල්ලා අපේ පුංචි
සිතේ තියෙන අදහස් තේරුම්ගෙන අපි වෙනුවෙන්
කතන්දර ලියන එක කොතරම් හොඳද? එවැනි කතාන්දර
තවතවත් බොහෝ ලිවීමට මධුරා නැන්දාට
හැකිවේවායි මම ප්‍රාර්ථනා කරමි.
සශ්මික ප්‍රභාෂ්වර
2 ශ්‍රේණිය ‘අරලිය’,
වැල්ලව ම.ම.වි., වැල්ලව.
රෝස මල
 අපේ
ගෙදර මිදුලේ තියෙන
රෝස ගහේ දවසක් දා
හරි ලස්සන මල් පොකුරක්
පිපිලා තිබුණා
මී මැස්සන් සමනලුන්
පියාඹාවිත් ඒ රෝස මලින්
රොන් අරගෙන රැඟුම් රඟා
යන්නට ආවා
ලස්සන තිබුණත් කෙතරම්
එය නෑ සැමදා ඇත්තේ
ලස්සන නැති වූ දිනයේ
නැත කිසිවකු පැමිණෙන්නේ
අපටත් කවදා හෝ මෙය
සිදුවන බව රෝස පොකුර
මනාව පවසයි අප හට
තේරුම් ගත යුතුමයි එය
හිරුදිනී කුමාරි විජේතිලක
10 ශ්‍රේණිය ‘කිව්’,
ඩඩ්ලි සේනානායක මධ්‍ය විද්‍යාලය,
තෝලංගමුව.
අප උරුමය
නැගී එන හිරු රැස්වල
ගලා යන දිය රැළිතුළ
හමා එන මඳ නලවල
රැඳී ඇත මිනිසත් ගුණ
 මිහිඳු
හිමිගේ කවි
මුනිදසුන්ගේ වැකි
මඩොල්දූවේ සිරි
තෙමයි හද නිවි නිවි
සීගිරි සිතුවමින්
කැටපත් කුරුටු ගීයෙන්
සඳකඩ කැටයමින්
හද වත පිරේ සතුටින්
ගුත්තිලය කවි පොත
සිරිත්මල් දම් පෙළ
පන්සියපනස් දා වත
තනයි සොඳුරුම හදවත
නින්දට යන විට
අත්තම්මා කී කතන්දර
සොඳුරු මිනිසත් ගුණ
තබයි මා හද තුළ
සඳමිණි සමාඛ්‍යා ජයබාහු
6 ශ්‍රේණිය “ඕලු”
සිරිමාවෝ බණ්ඩාරනායක විද්‍යාලය,
කොළඹ 07.
හොඳ සිරිත් පුරුදු
වෙමු
කුඩා දරුවන් වන අපට ගෙදරදී අම්මා තාත්තා
ඇතුළු වැඩිහිටියන්ගේ අවවාදත්, පාසලේදී
ගුරු මවු පියවරුන්ගේ අවවාදත් ඉතා වටී.
අපිට නිරෝගි ජීවිත ගත කිරීමට අප අවට ඇති
පරිසරය බොහෝ දුරට උපකාර වේ. අප නිවාස
අසලින් ගලා බසිනා ඇළ, දොළ ආදියට කුණු රොඩු
දැමීම නරක පුරුද්දකි. ඉවත දමන ටොෆී කොළ,
කෙසෙල් ලෙලි, යෝගට් කෝප්ප ආදි දේවල් තැන තැන
දැමීමෙන් පරිසරය දූෂණය වී ලෙඩ රෝග
ඇතිවේ. අපේ පරිසරය පිරිසුදු කරන කපුටන්,
කුරුල්ලන් ආදී සතුන්ට හිරිහැර නොකළ යුතුය.
අප ගෙමිදුලේ මල්, පලතුරු, එළවළු ආදී පැළ
වගා කිරීමෙන් පිරිසිදු වාතය මෙන් ම ආහාරයට
අවශ්‍ය දේ ලැබේ.
අප පයින් ගමන් කරන විට නොවරදවාම කහ ඉරි
ඇති තැන්වලින් ඉක්මනට මාරු වීමට සිතට ගත
යුතුය. කිසිවිටක බොරු හා කේලාම් නොකිව
යුතුය. අපේ ජාතික කොඩියට, පුෂ්පයට, ගීතයට
ගරු කළ යුතුය. අපේ අනාගතයට එය බෙහෙවින්
බලපානු ඇත.
දේශානි සචින්තනී දේශප්‍රිය
3 ශ්‍රේණිය,
වැලිහෙල තැන්න විද්‍යාලය,
යටියන්තොට.
කොළඹ ආනන්ද විදුහලේ නව වැනි ශ්‍රේණියේ
පංති එකොළහක ශිෂ්‍යයන් අතරින් සෑම
විෂයකින් ම 75 ට වැඩි ලකුණු ලබාගත්
ශිෂ්‍යයන්ගෙන් මුල් තැනට තේරුණු 9 - 3
ශ්‍රේණියේ අයෙෂ්මන්ත කුරුප්පු ආරච්චි
ශිෂ්‍යයා විදුහල්පති කිත්සිරි ලියනගමගේ
මහතා අතින් සිය සහතිකය ලබා ගනී. අංශ
ප්‍රධානී ආචාර්ය ශ්‍රීලාල් ද සිල්වා මහතා සහ
පංතිභාර ආචාරිනී චාමිකා නවරත්න මහත්මිය ද
මෙහි වෙති.
ඡායාරූපය - විමල්
කරුණාතිලක
දක්ෂ දරුවෝ
 ඔලිම්පියාඩ්
තරග පදක්කම් දිනූ අපේ දරුවෝ
තායිලන්තයේ පැතුම්තානි නුවර පැවැත්වුණු
අන්තර්ජාතික ගණිත හා විද්‍යා ඔලිම්පියාඩ්
තරගාවලියේදී රටවල් 20ක තරගකරුවන්
367ක් පරදවා දකුණු පළාතේ දරුවෝ තිදෙනෙක්
රන්, රිදී සහ ලෝකඩ පදක්කම් දිනා ගත්හ.
ශ්‍රී ලංකාව නියෝජනය කරමින් විද්‍යා
අංශයෙන් දරුවන් 12ක් තරගාවලියට සහභාගි
වූ අතර හොඳම ලිඛිත පරීක්ෂණයේදී ද රන්
පදක්කම අප රටට හිමි වී ඇත.
දකුණු පළාත නියෝජනය කරමින් විද්‍යා
අංශයෙන් ගාල්ල මහින්ද විදුහලේ සදලු තත්සර
6න් පදක්කම දිනාගත් අතර රිදී පදක්කම මාතර
සුජාතා විදුහලේ මින්දි රෙබෙකා කළුආරච්චි
දිනා ගත්තාය. ලෝකඩ පදක්කම ගාල්ල රිච්මන්ඩ්
විදුහලේ කවීෂ දිව්‍යාංග දිනා ගත්තේය.
ඡායාරූපයේ වමේ සිට මින්දි රෙබෙකා
කළුආරච්චි (රිදී පදක්කම) සදලු තත්සර (රන්
පදක්කම) කවීෂ දිව්‍යාංග (ලෝකඩ පදක්කම) යන
දරුවෝ තම පදක්කම් අතැතිව.
ඡායාරූප - චිත්‍රාරත්න
කළුආරච්චි
|
කර්තෘට ලියන්න
මුද්‍රණය සඳහා