ආණ්ඩු පක්ෂය

පෞද්ගලික අංශයේ ලක්ෂ 25කට දහදාහක අවම වැටුපක්

කමිකරු ඇමැති ඩබ්ලිව්.ඩී.ජේ.සෙනෙවිරත්න

සුනිල් දයා අල්විස්

පෞද්ගලික අංශයේ ලක්ෂ 25කට අධික සේවකයන්ගේ අවම වැටුප රුපියල් 10,000 කර රුපියල් 2500 කින් වැටුප් වැඩි කිරීම 2015 මැයි මාසයේ සිට බලාත්මක වන පරිදි 2016 ජනවාරි මාසයේ සිට ක්‍රියාත්මක කරන්නට අවශ්‍ය පියවර ගන්නා බව කම්කරු හා වෘත්තීය සබඳතා ඇමැති ඩබ්ලිව්.ඩී.ජේ. සෙනෙවිරත්න මහතා ‘සිළුමිණ’ට පැවසීය.

පසුගිය රජයේ පාලන කාලයේ සිට වරින්වර රාජ්‍ය අංශයේ සේවකයන්ට ජීවන වියදම් දීමනාවක් හිමි වුණත් පෞද්ගලික අංශයේ සේවකයන්ට වැටුප් වැඩිවීමක් සිදු නොවූ බවත් මේ ගැන ද කරුණු ‍සලකා බලා කම්කරු අමාත්‍යවරයා වශයෙන් රුපියල් 2500 ක වැටුප් වැඩිවීමක් සිදු කරන්නට මේ වනවිට කැබිනට් අනුමැතිය ද ලබාගෙන තිබෙන බවත් මෙය ‍පාර්ලිමේන්තුවේ අනුමැතියට ඉදිරිපත් කර සම්මත කිරීමෙන් අනතුරුව ජනවාරි මාසයේ සිට ක්‍රියාත්මක බව ද ඇමැතිවරයා කීය.

2015 මැයි මාසයේ සිට හිඟ වැටුප් සමඟ එම වැටුප් වර්ධක ලබාදීමට පියවර ගන්නා බව ද ඇමැතිවරයා පැවසීය.