අලුත් සිතියම ඇවිත්

රමණී සුබසිංහ

මෙරට සංවර්ධන යෝජනා ක්‍රම නිසා වෙනස් වූ ලංකා සිතියම සංශෝධනය කර මුද්‍රණය කර ඇතැයි මිනුම්පති පී. එම්. පී. උදයකාන්ත මහතා සිළුමිණට කීය.විශේෂයෙන් ම හම්බන්තොට වරාය, නැ‍ඟෙනහිර පාලම් පාරු හා සපත්තු පාලම් වෙනුවට ස්ථිර පාලම් යෙදීම නිසා සිතියමේ මාර්ග රැසකට නව සංශෝධන ඇතුළත් කිරීමට සිදුවූ බව හෙතෙම පෙන්වා දෙයි.

මත්තල ගුවන් තොටුපොළ මෙන් ම මෙරට ඉදිවූ අධිවේගී මාර්ග ද නව සිතියමට ඇතුළත් කැර ඇති බවත් වෙළෙඳ පොළේ පවතින වාණිජ සිතියම් බොහොමයක ඇති අඩුපාඩු ගැන ද වාර්තා වී ඇති බව ද ඒ මහතා කීය.