සොරුන්ගේ කට වසන්න පැලැස්තර අලවයි

චීනයේ ගුවංඩොං පළාතේ හුයිෂව් ප්‍රදේශයේ පොලිස් නිලධාරීහු එම පළාතේ සිදුවූ සොරකම් රැසකට සම්බන්ධ අය අත්අඩංගුවට ගැනීමට නොහැකිවීම හේතුකොටගෙන මහත් අපහසුතාවට හා අවමානයට පත්වූහ. එනිසා නිලධාරීහු වෙන්ගයැන් ප්‍රදේශයේ සිටි සොරකම් රැසකටම සම්බන්ධ යැයි සැක කරන 23 දෙනකු පසුගියදා අත්අඩංගුවට ගත්හ.

අත්අඩංගුවට ගැනීමෙන් පසු නිලධාරීන්ට ප්‍රශ්නයක් වූයේ මේ සැකකරුවන් එකිනෙකා සමඟ නිලධාරීන්ට නොතේරෙන භාෂාවකින් කථා කිරීමය. එනිසා හරි හැටි සත්‍ය සෙවීම අපහසු විය. මෙනිසා පොලිස් නිලධාරීහු 23 දෙනාගේම කටවල පැලැස්තර ඇලවූහ. ඉන්පසු ප්‍රශ්න කරන තැනැත්තාගේ පමණක් මුව විවෘත කිරීමට සිදුවිය.