ලොව බුද්ධිමත්ම දරුවා තෙහැවිරිදි ඇලෙක්සිස්

ඇලෙක්සිස් මාටින් ඇමෙරිකාවේ ඇරි‍සෝනාහි ක්වීන් ක්‍රීක් පළාතේ පදිංචි තෙහැවිරිදි දැරියකි. ඇය යන්තම් දහඅට මාසයක් තරම් වූ වයසේදී සිය දෙමවුපියන් පුදුමයට පත්කළේ රාත්‍රී නින්දට පෙර මව කියා දෙන කතාන්දර පසුදා කටපාඩමින් පැවසීමත් සමඟය.

ඇගේ පියා ඉයන් පසුගියදා ඒ.බී.සී. මාධ්‍ය ජාලයට පැවසුවේ සිය දියණිය වයස අවුරුදු දෙකේදී පොත්පත් කියවීම ආරම්භ කළ බවයි. ඇය ‍දෙමවුපියන්ගේ අයිපෑඩය හරහා තනිවම ස්පාඤ්ඤ භාෂාව ඉගෙනීම ද ආරම්භ කළාය.

ඇලෙක්සිස් ගේ බුද්ධි මට්ටම පරීක්ෂා කරන ලදුව එය ලකුණු 160ක් වූ ඉහළ අගයක් පෙන්නුම් කළේය. ඒ මට්ටම ලෝක පූජිත විද්‍යාඥ ඇල්බර්ට් අයින්ස්ටයින්, ස්ටීවන් තෝකීන් සහ නිකොලස් කොපර්නිකස් ගේ බුද්ධි මට්ටමට සමාන බව වාර්තා වෙයි.

මේ පුංචි කෙල්ලට මේ වෙද්දී වයස අවුරුදු 10 - 11 තරම් වූ දරුවන්ගේ කියවීම් මට්ටමේ කියැවීමේ හැකියාවක් ඇත්තේය.

ලෝකයේ මහාද්වීප සහ රටවල් නිවැරැදිව හඳුනාගැනීමේ හැකියාව ද ඇය සතුය. එහෙත් ඇගේ දෙමවුපියන්ගේ දැඩි අවශ්‍යතාව වන්නේ ඇලෙක්සිගේ කුඩා විය ‍එලෙසින්ම ගතකිරීමට ඉඩකඩ ලබාදීමටය.