සුමිගෙන් අහන්න
‘සෙබළාණනේ ඔබ මැරුණා නොවේ’
ගීය ලියූ රචකයාගේ ලිපිනය
කියන්න?
හික්කඩුවේ විමලදාස පතිරණ
ප්‍රශ්නය - ‘මහින්දාගමනය’ අධ්‍යක්ෂණය කරපු සනත් අබේසේකරගේ ලිපිනය මට ඉක්මනින්ම සොයා
දෙන්න?
පිළිතුර - මොකටද මේ ඉක්මනට? සනත්ට බැනලා ලියුමක් ලියන්න ද? නැත්නම් හොඳ කියලා
ලියුමක් ලියන්න ද? කොහොම වුණත් මෙන්න ඔහුගේ ලිපිනය 44/2, සුදුවැල්ල හන්දිය,
මොරවින්න පාර, පාණදුර.
කළුතර දොඩන්ගොඩ එන්. ඩී. ඉසෙඩ් සිරිවර්ධන
ප්‍රශ්නය - ලතා වල්පොල ගී ගැයූ ප්‍රථම චිත්‍රපටය කුමක් ද?
පිළිතුර - ‘එදා රෑ’
කටුබැද්දේ සුලෝචන මිහිරිපැන්න
ප්‍රශ්නය - තමන්ගේ ගීත අනුන් ගැයීම ගැන චෝදනා කරන ලතා වල්පොල, ඇන්ජලින් ගුණතිලක
වැනි ගායිකාවන් වැඩියෙන්ම ගායනා කර ඇත්තේ හින්දි ගී තනු අනුකරණවලට අනුව හදපු ගීත
නේද?
පිළිතුර - ඔව්. සුලෝචන ඒක නම් ඇත්ත තමයි.
උඩුගම්පොළ ක්‍රිශාන්ත කරුණාරත්න
ප්‍රශ්නය - දෙආකාරයකට අවසන් වූ එකම චිත්‍රපටය ‘පෙම්බර මධු’ නේද?
පිළිතුර - ඔව්.
තිඹිරිගස්කට්ටුවේ බර්නාඩ් කුරේරා
ප්‍රශ්නය - ‘සූරයන්ගෙත් සූරයා’, ‘ඔහොම හොඳ ද?’, ‘පෙම්බර මධු’ වැනි චිත්‍රපටවල
පිටපත් තිබෙනවා ද?
පිළිතුර - ඔව්. ‘නව සිනමාව‘ නම්වූ චිත්‍රපට නිෂ්පාදකයන් ළඟ තිබෙනව කියලා ආරංචියි.
ඉහළ තල්දූවේ ආනන්ද වික්‍රමආරච්චි
ප්‍රශ්නය - දෙමළ සිනමාවේ සුපිරි නළු රජිනි කාන්ත්ගේ ලිපිනය සොයා දෙන්න?
පිළිතුර - 18, RAGHAVA VEERA
AVENUE, POES GARDEN, CHENNAI
- 600 086.
මාවතගම අනුරුද්ධිකා විමලතන්ත්‍රි
ප්‍රශ්නය - එකම ගීතයකට (හන්තානේ කඳු මුදුන) දෙදෙනකු අයිතිවාසිකම් කීම ගැන ඔබ මොනවද
හිතන්නෙ?
පිළිතුර - බොළඳ, කබල් සින්දුවක් සඳහා මොන එහෙකට රණ්ඩු කරගන්නවද කියලා තමයි
හිතෙන්නෙ.
මාතලේ ධර්මා ඒකනායක
ප්‍රශ්නය - දක්ෂ නළුවකු වූ වික්‍රම බෝගොඩ දැන් කෝ? ඔහුගේ ලිපිනය සොයා දෙන්න.
පිළිතුර - අංක 49, ‘සිරිමැදුර’ පරණ පාර, පන්නිපිටිය ලිපිනයේ ඔහු පදිංචිව සිටිනවා.
ගෝනවල ලිලන්ති විජේසේකර
ප්‍රශ්නය - යසපාලිත නානායක්කාරගේ චිත්‍රපට අතරින් ඔබ වඩාත් කැමැති චිත්‍රපටය කුමක්
ද?
පිළිතුර - ‘තුෂාරා’ චිත්‍රපටයට පමණයි මා කැමැති. ඊට පසු ඔහු හදපු එකම චිත්‍රපටයකවත්
‘තුෂාරා’ මට්ටමේ තිබුණේ නැහැ.
හබරාදූවේ ගාමා ගාමිණි සුබසිංහ
ප්‍රශ්නය - ‘හම්රාහි’ නමැති හින්දි චිත්‍රපටය ගැන තොරතුරු ටිකක් කියන්න?
පිළිතුර - රාජේන්ද්‍ර කුමාර්, ජමුනා, මෙහෙමුඩ්, ශෂිකලා ප්‍රධාන චරිත රඟපෑ මේ
චිත්‍රපටයේ සංගීතය ශන්කර් ජායිකිෂන්ගේ.
පොල්ගස්ඕවිට තාරුකා පද්මපෙරුම
ප්‍රශ්නය - ‘සෙබළාණනේ ඔබ මැරුණා නොවේ’ ගීතය ලියු සුනිල් යෝගේන්ද්‍රගේ ලිපිනය සොයා
දිය හැකි ද?
පිළිතුර - 336, මුහුදුබඩ පාර තල්විල, මාරවිල.
මේ සතියේ පහත නම් සඳහන් අයත් ප්‍රශ්න එවා තිබුණා. වයඹ විශ්ව විද්‍යාලයයේ චන්දිම
බණ්ඩාර, හලාවත අනුර ශාන්ත පීරිස්, කපුගොඩ මාළිඳ සරත් රණසිංහ, කඩවත සුජාතා ගුණවර්ධන,
මහනුවර මනෝරි දුල්වල, කැටවල සමන් ගාල්ලගේ, කඩුගන්නාවේ එච්. ජී. අභයගුණවර්ධන,
දෙණියායේ දුලාංජලි රත්නායක, ගාල්ලේ නෙවිල් දියේගෝ.
|
කර්තෘට ලියන්න
මුද්‍රණය සඳහා