‘තරණය’ දෙවුන්දර සිට ගමන් අරඹයි

රූපාන්ති බුලත්සිංහල දෙවුන්දර සිට

යාපනය සහ මහරගම රෝහල්වල ළමා පිළිකා වාට්ටු ඉදිකිරීමට ආධාර එකතු කිරීමේ අරමුණින් දෙවුන්දර තුඩුවේ සිට පේදුරු තුඩුව දක්වා ‘තරණය’ නමින් පා ගමනක් පසුගියදා ආරම්භ කෙරිණි. පාර්ලිමේන්තු මන්ත්‍රී නාමල් රාජපක්ෂ මහතාගේ ප්‍රධානත්වයෙන් ඇරැඹි මෙම පා ගමන සංවිධානය කර තිබුණේ ‘කලර් ඔෆ් කරේජ් ට්‍රස්ට්’ සංවිධානයයි.

පාගමන ආරම්භ කිරීමේ උත්සව සභාව අමතමින්; පෞද්ගලික අංශය වගකීම් හා යුතුකම් අවබෝධ කරගෙන කටයුතු කිරීම වඩාත් අගය කරන බව පාර්ලිමේන්තු මන්ත්‍රී නාමල් රාජපක්ෂ මහතා ප්‍රකාශ කෙළේය.